Ranałdu raspavioŭ ab žadańni pryśviacić siabie modzie
Napadnik madrydskaha «Reała» i zbornaj Partuhalii Kryšcijanu Ranałdu zajaviŭ, što paśla zakančeńnia prafiesijnaj karjery maje namier zajmacca modaj. Pra heta futbalist paviedamiŭ u akaŭncie ŭ Twitter.
«Mnie padabajecca dobra apranacca i imknucca być pryhožym. Moj brend praciahvaje raści. Hetyja pytańni ciapier nie źjaŭlajucca majoj hałoŭnaj metaj, adnak moda — taja śfiera, jakoj dumaju pryśviacić siabie, kali skončycca maja karjera», — raspavioŭ Ranałdu.
U listapadzie 2013 hoda partuhalec pačaŭ vypuskać ŭłasnuju liniju mužčynskaha adzieńnia i abutku pad brendam CR7. Nazva marki — spałučeńnie inicyjałaŭ futbalista i numar, pad jakim jon vystupaje. U śniežni minułaha hoda forvard zajaviŭ, što pad hetym ža brendam choča adkryć sietku hatelaŭ pa ŭsim śviecie.
U hetym siezonie 31-hadovy napadajučy pravioŭ za «Reał» 38 matčaŭ va ŭsich turnirach, u jakich adznačyŭsia 41 hołam.