Troje biełarusaŭ paciarpieli ad teraktaŭ u Brusieli
Padčas teraktaŭ u Brusieli paciarpieli troje hramadzian Biełarusi, paviedamlaje biełaruskaje MZS.
«Paśla praviedzienaj pracy pa identyfikacyi paciarpiełych ad teraktaŭ siońnia bielhijski bok paviedamiŭ pra špitalizacyju troch hramadzian Biełarusi», — havorycca ŭ paviedamleńni na staroncy źniešniepalityčnaha viedamstva ŭ tvitary.
MZS taksama paviedamlaje, što «siońnia ž lačebnuju ŭstanovu naviedaje konsulski supracoŭnik pasolstva». «Naładžvajecca kantakt sa svajakami paciarpiełych», — zaŭvažajecca ŭ paviedamleńni.
Paźniej MZS paviedamiŭ, što biełaruskaje pasolstva źviazałasia z paciarpiełymi i vyśvietliła, što «jany atrymali lohkija cialesnyja paškodžańni (parez, baratraŭma) i ŭžo vypisanyja ź lakarni».