Na minskim čyhunačnym vakzale abakrali amierykanca
Staličnaja milicyja šukaje nieviadomaha, jaki vykraŭ rečy i hrošy ŭ hramadzianina ZŠA.
Jak paviedamlaje HUUS Minharvykankama, 27 sakavika z 5.30 da 5.45 na trecim paviersie čyhunačnaha vakzała stancyi Minsk-Pasažyrski nieviadomy ździejśniŭ kradziož pakieta, u jakim znachodziłasia barsietka z dakumientami, bankaŭskaj kartaj i 780 dalarami ZŠA, što naležali 63-hadovamu hramadzianinu ZŠA.
U ździajśnieńni kradziažu padazrajuć mužčynu, jaki trapiŭ u abjektyŭ kamier videanazirańnia. Na vyhlad mužčynu 55-60 hadoŭ, siaredniaha ciełaskładu. Byŭ apranuty ŭ ciomnuju kiepku, śvietłyja kurtku i štany, klatčasty šalik albo chustku. Pry sabie mieŭ ciomny zaplečnik i plecieny košyk.
Tych, chto paznaŭ padazravanaha, milicyja prosić paviedamić pra heta pa telefonach: (017) 225-02-02 (dziažurnaja častka), (029) 726-96-48, (029) 381-86-03 abo 102.