U Hrodzienskaj vobłaści źjavicca pryvatnaja hidraelektrastancyja
U Hrodzienskaj vobłaści źjavicca pieršaja pryvatnaja hidraelektrastancyja, paviedamili ŭ Słonimskim rajvykankamie.
Mini-HES pabudujuć na race Isa ŭ Słonimskim rajonie. Dla realizacyi prajekta zaklučany dahavor pamiž Hrodzienskim abłvykankamam i biełaruskim TAA «Hidra Park», zarehistravanym u Słonimie. Prajekt koštam Br9 młrd ujaŭlaje saboj budaŭnictva płaciny i ŭstanoŭku aŭtamatyčnaha abstalavańnia, jakija dazvolać atrymlivać kala 240 kVt enierhii ŭ hod. Atrymanuju elektraenierhiju pryvatnaja kampanija budzie pradavać u ahulnuju sietku, zaklučany dahavor ź Minenierha i atrymanaja adpaviednaja kvota.
Kampanija abaviazujecca realizavać prajekt u dva etapy da vieraśnia 2017 hoda. Pieršy, padrychtoŭčy — uklučaje raspracoŭku prajektna-kaštarysnaj dakumientacyi i atrymańnie ŭsich nieabchodnych uzhadnieńniaŭ, jaho zavieršać u lipieni biahučaha hoda i pačnuć budaŭnictva. Abstalavańnie dla mini-HES vyrabić polskaja kampanija.
Stvareńnie hetaha abjekta praduhledžvałasia Dziaržaŭnaj prahramaj budaŭnictva hidraelektrastancyj u 2011-2015 hadach, zaćvierdžanaj pastanovaj Savieta Ministraŭ. Prajekt byŭ zapłanavany mienavita dla realizacyi za košt inviestara. Na miescy budučaj mini-HES na dadzieny momant znachodzicca nie dziejučaje hidratechničnaje zbudavańnie ŭ vyhladzie šachtavaha vadaskidu, jaki naležaŭ raniej adnamu z pradpryjemstvaŭ rajona.
Prajekt u śfiery enierhietyki stanie pieršym dla pryvatnaha pradpryjemstva. U dalejšym inviestar vykazaŭ namier razhledzieć i inšyja śfiery dla inviestycyj u Słonimski rajon.
Na dadzieny momant u Hrodzienskaj vobłaści dziejničaje najbujniejšaja na terytoryi Biełarusi HES mahutnaściu 17 MVt, pracujuć i budujucca soniečnyja elektrastancyi i vietraŭstanoŭki. U rehijonie padtrymlivajuć raznastajnyja prajekty zialonaj enierhietyki.