Paŭłaŭ: Niedapuščalna, kali ŭ centry Miensku dva tydni niama haračaj vady
Staršynia Mienharvykankamu zajaviŭ, što nieabchodna skaracić terminy adklučeńnia haračaha vodazabieśpiačeńnia ŭ letni peryjad.
M.Paŭłaŭ nahadaŭ, što «jašče šeść hadoŭ tamu ramont ciepłasietak u rajonach horada doŭžyŭsia kala miesiaca, što vyklikała niezadavalnieńnie haradžan». Ciapier hety pieryjad składaje da dvuch tydniaŭ. M.Paŭłaŭ daručyŭ kiraŭniku «Minskenierha» vyznačyć mahčymyja varyjanty pa dalejšym skaračeńni terminaŭ ramontnaj kampanii, adznačyŭšy, što dasiahnuć hetaha možna za košt pavyšeńnia pradukcyjnaści pracy.
U Minsku ŭ hetym hodzie ramont ciepłasietak dla padrychtoŭki ich da zimy pačniecca ŭ žyłym siektary 12 maja i pradoŭžycca da 1 vieraśnia. U minułym hodzie siaredni termin adklučeńnia haračaha vodazabieśpiačeńnia ŭ spažyŭcoŭ, što dałučany da ciepłavych krynic UP «Minskkamunciepłasietki», skłaŭ 11,5 sutak. U spažyŭcoŭ žyllova‑kamunalnaha siektara, što dałučany da krynic RUP «Minskenierha», — 14 sutak.
Na aficyjnym sajcie Minharvykankama apublikavany hrafik adklučeńnia haračaha vodazabieśpiačeńnia ŭ mai.
«Arhanizacyi ciepłaziebieśpiačeńnia prymajuć miery pa skaračeńni terminaŭ adklučeńnia haračaha vodazabieśpiačeńnia. U vypadku paśpiachovych vyprabavańniaŭ trubapravodaŭ ciepłavych sietak i adsutnaści defiektaŭ, što patrabujuć vykanańnia niezapłanavanych ramontna‑adnaŭlenčych rabot, terminy adklučeńnia nie buduć pieravyšać 14 sutak», — havorycca ŭ abjavie.