U Biełarusi sabakam zabaroniać brachać z 23:00 da 7:00
Zakon «Ab abychodžańni z žyviołami», pryniaćcia jakoha ŭžo šmat hadoŭ čakajuć biełaruskija zaaabaroncy, narešcie, praktyčna hatovy, a jaho prajekt apublikavany dla ŭsienarodnaha abmierkavańnia na Nacyjanalnym pravavym internet-partale. Praŭda, jak zaŭvažyli ekśpierty, bieź siurpryzaŭ ad deputataŭ pry jaho stvareńni nie abyšłosia.
dogtales.ru
Tak, u pryvatnaści, biełaruskim sabakam i katam budzie stroha zabaroniena brachać i miaŭkać z 23:00 da 7:00. Pryčym hetaja zabarona tyčycca nie tolki žyvioł, jakija pražyvajuć u šmatkvaternych i błokavych damach, ale i hadavancaŭ, «prapisanych» na prysiadzibnaj terytoryi ŭ siadzibnaj zabudovie abo tych, jakija hulajuć u dvarach. Vyklučeńnie ŭ zakonie zroblena tolki dla słužbovych sabak, jakija vykonvajuć svaje abaviazki — im biespakarana brachać usio ž taki možna. Dla haspadaroŭ «hramadzianskich» sabak i katoŭ, jakija parušali cišyniu ŭ adviedzieny čas, praduhledžanyja surjoznyja hrašovyja štrafy.
Akramia taho, zakon «Ab abychodžańni z žyviołami» surjozna abmiažoŭvaje kolkaść hadavancaŭ, jakich možna ŭtrymlivać u kvatery. Heta moža być nie bolš za dva katy, dva sabaki abo adzin sabaka i adzin kot. U vypadku, kali pa adnym adrasie prapisana niekalki siemjaŭ, to kožnaja ź ich maje prava zavieści tolki pa adnym chatnim hadavancy.
U vypadku, kali zarehistravany sabaka (dla ich pastanoŭka na ŭlik, jak i raniej, źjaŭlajecca abaviazkovaj) abo kot źniknuć, jaho ŭładalniki, zhodna z apublikavanym zakonaprajektam, buduć abaviazanyja na praciahu troch dzion padać ab hetym zajavu ŭ arhanizacyju pa miescy žycharstva, jakaja zajmajecca rehistracyjaj chatnich žyvioł. Kali hetaha zroblena nie budzie, zhuba sabaki ci kata budzie rascenienaja ŭładami jak sproba uładalnikaŭ niezakonna ad ich pazbavicca. Za heta taksama praduhledžana pakarańnie.
Zakon «Ab abychodžańni z žyviołami» stanie ŭžo druhim źmianieńniem u biełaruskaj zakanadaŭčaj bazie, zroblenym deputatami Nacyjanalnaha schodu pa patrabavańniach abaroncaŭ žyvioł. Pieršym stali papraŭki ŭ Kryminalny kodeks, pavodle jakich žorstkaje abychodžańnie z žyviołami stała ŭtvarać ŭžo nie administracyjny, a kryminalny skład. Novy artykuł užo pracuje: u pryvatnaści, niadaŭna ŭ Breście pa im byŭ asudžany na 1,5 hady pazbaŭleńnia voli mužčyna, jaki žorstka zabiŭ nažom maleńkaje kaciania. Taki termin pakarańnia byŭ vyklikany tym, što druhim artykułam, jaki jamu inkryminavaŭsia, byŭ «Pahroza zabojstvam» u dačynieńni da haspadara žyvioły.