ADKB zaklikaje da mirnaha vyrašeńnia nahorna-karabachskaha kanfliktu
Sakrataryjat ADKB ŭvažliva adsočvaje situacyju ŭ zonie azierbajdžana-armianskaha kanfliktu, zajaviŭ pres-sakratar ADKB Uładzimir Zajnietdzinaŭ.
Pavodle jaho słoŭ, 3 krasavika adbylisia novyja telefonnyja pieramovy hienieralnaha sakratara ADKB Dźmitryja Bardziužy z kiraŭnikami MZS i ministerstva abarony Armienii Edvardam Nałbandzianam i Siejranam Ahanianam. «Abmiarkoŭvałasia dynamika raźvićcia situacyi ŭ zonie ŭzbrojenaha kanfliktu», — cytuje Zajnietdzinova sajt ADKB.
Pavodle jaho słoŭ, sakrataryjat arhanizacyi atrymlivaje ad armianskaha boku ŭsiu nieabchodnuju i vyčarpalnuju infarmacyju.
ADKB stvorana na asnovie Dahavora ab kalektyŭnaj biaśpiecy, padpisanaha 15 maja 1992 hoda krainami — členami SND. Jaje ŭdzielnikami ź`iaŭlajucca Armienija, Biełaruś, Kazachstan, Kirhizija, Rasija i Tadžykistan. Armienija staršyniuje ŭ ADKB ź vieraśnia 2015 hoda.
Abvastreńnie karabachskaha kanfliktu adbyłosia ŭ noč z 1 na 2 krasavika. Baki abvinavacili adzin adnaho ŭ parušeńni pieramirja na linii sudakranańnia. Z takimi zajavami vystupili abaronnyja viedamstvy Armienii i Azierbajdžana.