Papa Francišak abviaściŭ zbor srodkaŭ dla achviar kanfliktu va Ukrainie FOTA
Francišak abviaściŭ zbor srodkaŭ dla achviar kanfliktu va Ukrainie. Zbor srodkaŭ adbudziecca ŭ niadzielu 24 krasavika 2016 h. va ŭsich katalickich Kaściołach Jeŭropy. Papa abviaściŭ heta ŭ pramovie pierad malitvaj «Regina Caeli» pad kaniec sv. Imšy, jakuju celebravaŭ na płoščy sv. Piatra ŭ Niadzielu Božaj Miłasernaści, pieradaje Radyjo Vatykana.
«U hety dzień, jaki źjaŭlajecca sercam Śviatoha Hoda Miłasernaści, maja dumka nakiroŭvajecca da ŭsich ludziej, jakija majuć prahu prymireńnia i miru. Tut u Jeŭropie dumaju, u pryvatnaści, pra dramu tych, jakija pakutujuć ad nastupstvaŭ nasilla va Ukrainie: pra ludziej, što zastalisia na ziemlach spustošanych u vyniku vajennych dziejańniaŭ, jakija ŭžo spryčynili niekalki tysiač śmierciaŭ i tych - bolš za miljon - što byli vymušanyja pakinuć hetyja ziemli dziela ciažkaj situacyi, jakaja nadalej praciahvajecca. Jana kranaje, pierš za ŭsio, pažyłych ludziej i dziaciej. Akramia taho, što supravadžaju ich svajoju malitvaju i dumkaju, ja vyrašyŭ akazać im humanitarnuju dapamohu. Z hetaj metaj, va ŭsich katalickich Kaściołach Jeŭropy budzie prachodzić 24 krasavika 2016 h. śpiecyjalny zbor srodkaŭ. Zaklikaju ščodra dałučycca da hetaj inicyjatyvy. Hety akt miłasernaści maje na mecie nie tolki palehčyć materyjalnyja pakuty, ale žadaje taksama vykazać maju blizkaść i asabistuju salidarnaść z ŭsim Kaściołam. Ja ščyra spadziajusia, što hety žest dapamoža paspryjać miru i pavazie pravoŭ na hetych, tak vyprabavanych ziemlach.
Kali my molimsia za mir, pamiatajma, što zaŭtra adznačajecca Suśvietny dzień baraćby z naziemnymi minami. Zanadta šmat ludziej hinie abo akalečvajecca ad hetaj žudasnaj zbroi, a advažnyja mužčyny i žančyny ryzykujuć svaimi žyćciami, kab ačyścić zaminiravanyja ziemli. Adnovim našaje žadańnie dla śvietu bieź minaŭ.
I narešcie, nakiroŭvaju vinšavańni ŭsim vam, što pryniali ŭdzieł u hetaj celebracyi, u pryvatnaści hrupam, jakija kultyvujuć duchoŭnaść Božaj Miłasernaści.Usie razam źvierniemsia ŭ malitvie da našaj Maci», — skazaŭ Papa.
Paśla malitvy Fracnišak pryvitaŭ prysutnyja na płoščy sv. Piatra hrupy viernikaŭ i ŭdzialiŭ sabranym svajo błahasłaŭleńnie.