Zatrymali ciažarnuju minčanku, jakaja razam ź dziećmi razvoziła narkotyki
Supracoŭnikami adździaleńnia pa narkakantroli i supraćdziejańni handlu ludźmi Leninskaha RUUS stalicy za zachoŭvańnie i raspaŭsiudžvańnie asabliva niebiaśpiečnaha psichatropnaha rečyva alfa-PVP zatrymanaja 32-hadovaja minčanka.
U ciapierašni čas zatrymanaja ciažarnaja i vychoŭvaje dvaich małaletnich dziaciej. Psichatrop žančyna nabyvała praz naładžanyja kantakty muža, jaki sa studzienia hetaha hoda adbyvaje pakarańnie ŭ miescach pazbaŭleńnia voli. Štodnia žančyna fasavała i raźmiaščała ŭ schovankach pa ŭsim horadzie kala 10 skrutkaŭ ź psichatropnym rečyvam, zarablajučy takim kala 1 000 000 biełaruskich rubloŭ.
Voś tak vyhladajuć skrutki ź psichatropami, jakija znajšli ŭ žančyny
«Zatrymanaja sama ŭžyvaje psichatropy, — raspaviadaje načalnik adździaleńnia pa narkakantroli i supraćdziejańni handlu ludźmi Leninskaha RUUS stalicy Jan Rahaŭcoŭ. — Unačy jana fasavała tavar, a ranicaj razam ź dziećmi na hramadskim transparcie razvoziła jaho pa «schovankach». Pastajanna skardziłasia susiedziam na toje, što z dvuma małaletnimi dziećmi nichto nie choča brać jaje na pracu».
U ciapierašni čas u dačynieńni da zatrymanaj uzbudzili kryminalnuju spravu. Žančynie moža pahražać ad 8 da 13 hod pazbaŭleńnia voli (č.3 art.328 KK).