U Isłandyi projduć daterminovyja vybary ŭ parłamient
U Isłandyi vosieńniu 2016 hoda projduć daterminovyja vybary ŭ parłamient. Pra heta paviedamlaje Reuters sa spasyłkaj na lidara apazicyjnaj Pirackaj partyi Birhity Jonsdocir.
Damoŭlenaść ab daterminovych vybarach była dasiahnutaja pamiž parłamienckaj apazicyjaj i kirujučaj kaalicyjaj. Pa dadzienych Reuters, Pirackaja partyja lidziruje ŭ apošnich apytańniach hramadskaj dumki.
Uviečary 6 krasavika kirujučaja kaalicyja pryznačyła ministra sielskaj haspadarki i rybałoŭstva Sihurdura Inhi Jochansana na pasadu premjer-ministra Isłandyi.
Pirackaja partyja Isłandyi vystupaje za radykalny pierahlad kancepcyj aŭtarskaha prava, patentnaha zakanadaŭstva i ŭzroŭniu prazrystaści ŭradavych struktur. Twitter-akaŭnt arhanizacyi rehularna pościć paviedamleńni pra usie prajavy cenzury ŭ Jeŭropie i śviecie, a ŭ svoj čas zasnavalniki partyi pasprabavali pravieści praz parłamient zakonaprajekt, jaki moh by zabiaśpiečyć nadańnie isłandskaha hramadzianstva Edvardu Snoŭdenu.