Kyrhyzstan prapanavaŭ viarnucca da temy adzinaj valuty ŭ JEAES
Vice-premjer Kyrhyzstana Aały Karašaŭ miarkuje, što krainam — udzielnicam Jeŭrazijskaha ekanamičnaha sajuza (JEAES) nieabchodna viarnucca da pytańnia ab uviadzieńni adzinaj valuty na terytoryi hetaha ekanamičnaha ŭtvareńnia.
Takoje mierkavańnie namieśnik kiraŭnika kirhizskaha ŭrada vykazaŭ na mižnarodnym forumie «Jeŭrazijskaja ekanamičnaja pierśpiektyva», jaki prachodzić 8 krasavika ŭ Biškieku.
«Najbližejšym časam nieabchodna razhledzieć pytańni valutnaha rehulavańnia, u pryvatnaści pytańnie ŭviadzieńnia adzinaj valuty ŭ JEAES dla ažyćciaŭleńnia sumiesnaj handlova-ekanamičnaj dziejnaści i mytnaha rehulavańnia ŭ ramkach hetaj arhanizacyi», — zajaviŭ čynoŭnik.
U svaju čarhu, deputat parłamienta Armienii Hrant Bahracian padtrymaŭ prapanovu Karašava i adznačyŭ, što pytańnie adzinaj valuty ŭ JEAES staić «vielmi vostra». «Ja nie dumaju, što jano moža tryvać da 2025 hoda, liču, što niavyrašanaść hetaha pytańnia moža stać surjoznaj pieraškodaj dla rostu ekanomiki krain — udzielnic JEAES», — ličyć armianski parłamientaryj.
U pracy forumu «Jeŭrazijskaja ekanamičnaja pierśpiektyva» razam z pradstaŭnikami dziaržaŭ JEAES biaruć udzieł deputaty parłamienta Biełarusi.
Na sustrečy lidaraŭ krain Jeŭrazijskaha ekanamičnaha sajuza, jakaja prajšła 20 sakavika 2015 hoda, prezident Rasii Uładzimir Pucin prapanavaŭ kaleham pa JEAES pahavaryć «ab mahčymaści farmiravańnia ŭ pierśpiektyvie valutnaha sajuza», adnak nie znajšoŭ padtrymki ŭ hetym pytańni ni biełaruskaha prezidenta Alaksandra Łukašenki, ni kiraŭnika Kazachstana Nursułtana Nazarbajeva.
Paśla vysokija čynoŭniki ŭ Biełarusi i Kazachstanie nieadnarazova zajaŭlali pra dačasnaść i niemahčymaść uviadzieńnia adzinaj valuty ŭ ramkach JEAES.
31 sakavika 2015 hoda Alaksandr Łukašenka ŭ intervju miedyjachołdynhu «Błumbierh» zajaviŭ, što ŭviadzieńnie adzinaj valuty ŭ Jeŭrazijskim ekanamičnym sajuzie źjaŭlajecca pytańniem nie siońniašniaha dnia.