Dzikija žyvioły vyryli hranatu ŭ Biełaviežskaj puščy
Hranata časoŭ Vialikaj Ajčynnaj vajny znojdziena pry lesanarychtoŭčych rabotach na terytoryi Biełaviežskaj puščy, paviedamili ŭ administracyi nacyjanalnaha parku.
Vybuchovy bojeprypas byŭ znojdzieny majstram lesu ŭ 684 kvartale Nikarskaha laśnictva ŭ čas kantrolu narychtovak lesapradukcyi. Askołačnaja hranata RH-42, jakaja pralažała ŭ ziamli nie mienš za 70 hadoŭ, surjozna padvierhłasia karozii, ale svaich paražajučych ułaścivaściej, chutčej za ŭsio, nie straciła. Miarkujecca, što hranatu vyryli dziki.
Infarmacyja ab znachodcy była nieadkładna pieradadziena supracoŭnikam Pružanskaha RAUS. Bojeprypas z terytoryi parku vyvieźli i źniščyli sapiory.
Takija znachodki pieryjadyčna zdarajucca ŭ Biełaviežskaj puščy. Tak, u mai minułaha hoda ŭ adnym z kvartałaŭ Pašukoŭskaha laśnictva, la bieraha raki Lasnaja Levaja byŭ znojdzieny niamiecki 88 mm artyleryjski snarad časoŭ Druhoj suśvietnaj vajny.