Nie vykanany nivodny z zapłanavanych na piacihodku pakazčykaŭ sacyjalna-ekanamičnaha raźvićcia Biełarusi
president.gov.by
U minułuju piacihodku nivodny z adzinaccaci najvažniejšych pakazčykaŭ sacyjalna-ekanamičnaha raźvićcia Biełarusi nie byŭ vykanany. Heta vynikaje z prajekta prahramy sacyjalna-ekanamičnaha raźvićcia na 2016—2020 hady.
U dakumiencie, ź jakim udałosia aznajomicca BiełaPAN, pryviedzienyja vyniki vykanańnia najvažniejšych pakazčykaŭ papiaredniaj prahramy, jakaja śćviardžałasia na 2011—2015 hady.
Mierkavałasia, u pryvatnaści, što za hety pieryjad VUP pavialičycca na 62—68%, adnak pa fakcie jon pavialičyŭsia tolki na 5,9%.
Pramysłovaja vytvorčaść za piać hadoŭ vyrasła na 4,6% pry zadańni 54—60%, pradukcyjnaść pracy — na 10,7% zamiest zapłanavanych 63—68%.
Nie byli taksama vykananyja zadańni pa vaśmi inšych najvažniejšych pakazčykach sacyjalna-ekanamičnaha raźvićcia: tempy rostu ekspartu, inviestycyi ŭ asnoŭny kapitał, žyllovaje budaŭnictva, realnyja dachody nasielnictva. Tak, za apošnija piać hadoŭ realnyja dachody nasielnictva vyraśli na 32,7%, choć mierkavałasia pavieličeńnie na 70—76%.
Miž tym prajekt prahramy sacyjalna-ekanamičnaha raźvićcia Biełarusi na 2016—2020 hady praduhledžvaje pavyšeńnie kankurentazdolnaści ekanomiki i vychad na tempy ekanamičnaha rostu vyšej za siaredniesuśvietnyja. Čakajecca, što rost VUP u 2020 hodzie składzie 3,5% (u Rasii — 2,8%, u ES — 2%).
Prajekt prahramy sacyjalna-ekanamičnaha raźvićcia da 2020 hoda padrychtavany z ulikam prahnazavanaha pavieličeńnia suśvietnych koštaŭ na naftu da 65 dalaraŭ za baral u 2020 hodzie (ciapier košt barala składaje 42 dalary).
Pavodle acenki ekśpiertaŭ, zadača pa roście VUP, jakuju ŭłady płanujuć zaćvierdzić na bližejšyja piać hadoŭ, maje ŭ asnoŭnym ideałahičny charaktar.
«Meta pa roście VUP — niaźmienny fietyš biełaruskaj sistemy kiravańnia, — kaža ekanamist Anton Bałtočka. — Na dziaržaŭnym uzroŭni heta ŭsio toj ža dyrektyŭny pakazčyk. Dziaržavie dziakujučy adnoj ličbie praściej rastłumačyć nasielnictvu svaje płany».
Jak ličyć ekśpiert, heta razumieje absalutnaja bolšaść dziaržsłužačych. «Paśla taho, jak u papiarednija hady my ŭvieś čas nie vykonvali prahnozy pa VUP, ciapier mała chto vieryć u ich dasiahnieńnie. Va ŭradzie, na ŭzroŭni miascovych čynoŭnikaŭ, buduć hladzieć na hetuju metu jak na ideałahičnuju zadaču, jakaja z ekanamičnaj rečaisnaściu maje mała ahulnaha», — zaznačyŭ ekanamist.