U Baranavičach mužčyna, sprabujučy dapamahčy susiedu trapić u kvateru, upaŭ z 4 paviercha i zahinuŭ
U Baranavičach 11 krasavika zvaliŭsia z vyšyni čaćviortaha paviercha i raźbiŭsia naśmierć 63-hadovy miascovy žychar.
Jak paviedamiła staršy inśpiektar hrupy infarmacyi i hramadskich suviaziej Baranavickaha HAUS Volha Sakuta, trahiedyja zdaryłasia na vulicy Telmana ŭ piacipaviarchovym žyłym domie.
Pavodle papiarednich źviestak, kala 15.00 da piensijaniera, što pražyvaŭ u kvatery na čaćviortym paviersie, pryjšoŭ susied, jaki žyvie paviercham nižej. Jon raspavioŭ, što zhubiŭ klučy ad uvachodnaj dźviarej i nie moža trapić dadomu. 63-hadovy piensijanier vyrašyŭ dapamahčy susiedu. Jon źbiraŭsia spuścicca z akna svajoj kvatery na treci pavierch, prabracca praz fortku ŭ kvateru susieda i adkryć uvachodnyja dźviery. Mužčyna zamacavaŭ adzin kaniec televizijnaha kabiela na batarei, druhi zaviazaŭ u siabie na pojasie, ale jak tolki jon pačaŭ spuskacca, kabiel abarvaŭsia. Piensijanier upaŭ uniz i zahinuŭ na miescy.
Pravierku pa fakcie śmierci pravodzić Baranavicki mižrajonny adździeł Śledčaha kamiteta.