Kolkaść čytačoŭ Nacyjanalnaj biblijateki skaraciłasia na tracinu
Biełstat apublikavaŭ tematyčny statystyčny ahlad, prymierkavany da Mižnarodnaha dnia kultury, jaki adznačajecca 15 krasavika.
Adzin z raździełaŭ pryśviečany pracy biblijatek.
Ich u Biełarusi naličvajecca 2,9 tysiačy (cikava, što tracina ź ich nie maje dostupu da internetu). Čytackija bilety jość u kožnaha treciaha žychara krainy.
Najbolšaj papularnaściu karystajecca Nacyjanalnaja biblijateka. Biblijatečny fond u joj štohod raście, a voś kolkaść karystalnikaŭ skaračajecca.
Z dadzienych Biełstata vynikaje, što ŭ 2005 hodzie ŭ Nacyjanalnaj biblijatecy (jašče ŭ starym budynku) było zarehistravana bolš za 117 tysiač čytačoŭ. Pavodle letašnich padlikaŭ, zastałosia 82 tysiačy karystalnikaŭ.