U Breście znajšli cieła źnikłaj u sakaviku 37-hadovaj žančyny
U Breście ŭ race Muchaviec znojdzienaje cieła źnikłaj u sakaviku 37-hadovaj miascovaj žycharki.
U noč z 19 na 20 sakavika brestaŭčanka pajšła z domu ŭ nieviadomym nakirunku. U milicyju z zajavaj ab adsutnaści bieź viestak źviarnuŭsia jaje brat.
Jak paviedamiła BiełaPAN inśpiektar adździaleńnia infarmacyi i hramadskich suviaziaŭ UUS Bresckaha abłvykankama Hanna Ivaščanka, ranicaj 12 krasavika cieła žančyny na pavierchni vady ŭbačyli rabotniki hidravuzła «Tryšyn». Pavodle papiarednich źviestak, pryčynaj śmierci stała utapleńnie. Jaje apaznaŭ brat.
Brescki mižrajonny adździeł Śledčaha kamiteta pravodzić pravierku pa fakcie śmierci.