Sioleta pryščaplać ad hrypu płanujuć biełaruska-rasijskaj vakcynaj
Biełaruska-rasijskuju vakcynu ad hrypu płanujuć vykarystoŭvać u epidsiezonie 2016 hoda. Pra heta paviedamiŭ siońnia zahadčyk adździeła epidemijałohii Respublikanskaha centra hihijeny, epidemijałohii i hramadskaha zdaroŭja Uładzimir Paškovič na pres-kanfierencyi, pryśviečanaj Jeŭrapiejskamu tydniu imunizacyi.
«Pa hrypie ŭ nas užo adpracavanaja sistema padrychtoŭki da siezonu — farmujucca płany vakcynacyi, robiacca zakupki vakcyny», — adznačyŭ Uładzimir Paškovič. Pavodle jaho słoŭ, Ministerstva achovy zdaroŭja niadaŭna zarehistravała ajčynnuju vakcynu ad hrypu, jakaja vyrablajecca ŭ Rasii. «Na «Biełmiedpreparatach», ja dumaju, jana budzie da siezonu praviedzienaja, i my budziem vakcynavacca tak zvanaj ajčynnaj vakcynaj», — skazaŭ śpiecyjalist.
Prajekt pa vytvorčaści vakcyny ad hrypu realizujecca RUP «Biełmiedpreparaty» sumiesna z rasijskaj kampanijaj «Pietravaks». Preparat budzie vypuskacca ŭ ampułach i fłakonach, a taksama ŭ pieradnapoŭnienych šprycach. Usio nieabchodnaje abstalavańnie dla hetaha na pradpryjemstvie majecca.