Pry pažary ŭ centry Minska zahinuli 100-hadovaja žančyna i jaje 66-ja hadovaja dačka
Pry pažary ŭ kvatery na praśpiekcie Pieramožcaŭ zahinuli 100-hadovaja žančyna i jaje 66-hadovaja dačka. Pra heta raspavioŭ pres-sakratar MNS pa Minsku Vital Demboŭski.
Paviedamleńnie pra pažar pastupiła ŭ MNS 14 krasavika, kala 20.10, — hareła kvatera na trecim paviersie vaśmipaviarchovaha žyłoha doma na praśpiekcie Pieramožcaŭ.
Ratavalniki pabačyli pažar u adnym z pakojaŭ. U inšym pakoi jany znajšli haspadyniu kvatery i jaje dačku. Paciarpiełymi adrazu ž zanialisia miedyki, ale paśla praviadzieńnia reanimacyjnych mierapryjemstvaŭ była kanstatavana śmierć žančyn.
Vital Demboŭski taksama raspavioŭ, što haspadyni kvatery niekalki dzion tamu spoŭniłasia 100 hadoŭ, a jaje dačka adśviatkavała 66-hodździe ŭ dzień pažaru, 14 krasavika.
«U kvatery byŭ aŭtanomny pažarny apaviaščalnik. Prybor nie pačaŭ pracavać: u im nie było batarejki», — adznačyli ŭ MNS.
Razhladanaja viersija pryčyny pažaru - karotkaje zamykańnie elektrapravodki.