Kreml vybačyŭsia pierad niamieckaj hazietaj za pamyłku Pucina
Pres-sakratar prezidenta Rasii Dźmitryj Piaskoŭ paprasiŭ prabačeńnia za pamyłku va ŭkazańni ŭłaśnikaŭ niamieckaj haziety Sueddeutsche Zeitung.
U čaćvier padčas «pramoj linii» Uładzimir Pucin zajaviŭ, što niamieckaja hazieta, jakaja pieršaj atrymała dostup da «panamskich dakumientaŭ», uvachodzić u miedyjachołdynh, jaki naležyć amierykanskaj finansavaj karparacyi Goldman Sachs.
«Heta značyć, usiudy tyrčać vušy zamoŭcaŭ. Jany tyrčać, ale navat nie čyrvaniejuć», — tak prakamientavaŭ Pucin publikacyju dakumientaŭ ab afšorach, jakimi vałodajuć palityki i čynoŭniki z roznych krain.
Paśla zajavy prezidenta sama hazieta abvierhła svaju suviaź z Goldman Sachs. Hazieta źjaŭlajecca daččynaj kampanijaj vydaviectva Sueddeutscher Verlag, jakaja naležyć na 81,25% miedyjachołdynhu Suedwestdeutsche Medien Holding i na 18,75% — pryvatnym asobam.
«Viadoma, my prynieśli svaje prabačeńni i prynosim taksama svaje prabačeńni vydańniu», — zajaviŭ Piaskoŭ.