Rasiejcy ŭpieršyniu za vosiem hadoŭ stali tracić na ježu bolš za pałovu prybytku
Rasiejcy ŭpieršyniu z 2008 hoda stali tracić na ježu bolš za 50 pracentaŭ prybytku. Pra heta havorycca ŭ lutaŭskim manitorynhu sacyjalna-ekanamičnaha stanovišča i samaadčuvańnia nasielnictva, jaki padrychtavaŭ Instytut sacyjalnaha analizu i prahnazavańnia RANHiDS.
Dola vydatkaŭ na pradukty, napoi i tytuniovyja vyraby skłała 50,1 pracenta, takim čynam pieravysiŭšy dolu niecharčovych tavaraŭ.
U RANHiDS śćviardžajuć, što ekanomić stali nie tolki małazabiaśpiečanyja, ale i siarednija płasty nasielnictva.
U daśledavańni havorycca, što dola rasiejcaŭ, jakim davodzicca ekanomić na tavarach i pasłuhach, u sakaviku 2016 hoda vyrasła da 89 adsotkaŭ (na 0,6 pracentnych punkta). Kolkaść pradstaŭnikoŭ siaredniaha kłasa pavialičyłasia da 79,3 pracenta (na 3,9 pracentnych punkta).