U Niderłandach z 2025 hoda zabaroniać pradavać aŭtamabili na bienzinie i dyzieli
Prodažy elektramabilaŭ składajuć u Niderłandach krychu mieniej za 10%, Clement Sabourin, AFP
U Niderłandach nižniaja pałata parłamienta ŭchvaliła zakonaprajekt ab zabaronie prodažaŭ aŭtamabilaŭ z ruchavikami, jakija pracujuć na bienzinie i dyzielnym palivie, z 2025 hoda, pieradaje The Guardian.
Dla ŭstupleńnia ŭ siłu prajekt pavinien być uchvaleny ŭ sienacie, kudy jon nieŭzabavie pastupić na razhlad.
Pryniaćcie zakonaprajekta adbyłosia paśla ŭdakładnieńnia, što havorka idzie nie pra ŭsie aŭtamabili, uklučajučy ŭžo nabytyja, a tolki pra realizacyju novych mašyn.