Jeŭrakamisija prapanavała Ukrainie biaźvizavy režym
Jeŭrapiejskaja kamisija (JEK) aficyjna prapanavała Ukrainie admienu vizavaha režymu. Pra heta ŭ sieradu, 20 krasavika, zajaviŭ u Brusieli aficyjny pradstaŭnik JEK Marharycis Schinas.
«Jeŭrakamisija siońnia prapanuje biaźvizavy režym dla hramadzian Ukrainy», — skazaŭ jon.
Zaraz prapanovu JEK, uniesienuju niahledziačy na vyniki refierendumu ŭ Niderłandach, pavinna ŭchvalić bolšaść krain — členaŭ ES i Jeŭrapiejski parłamient.
Pavodle infarmacyi Reuters, dakumient budzie źmiaščać punkt, zhodna ź jakim ES zmoža adnavić vizavy režym u vypadku napłyvu mihrantaŭ.