Biudžet jubilejnaha «Słavianskaha bazaru» składzie 57 młrd rubloŭ
Biudžet XXV Mižnarodnaha fiestyvalu mastactvaŭ «Słavianski bazar u Viciebsku», pavodle papiarednich padlikaŭ, składzie 57 młrd rubloŭ. Pra heta paviedamiŭ siońnia na pres-kanfierencyi dyrektar forumu, kiraŭnik Suśvietnaj asacyjacyi fiestyvalaŭ (SAF) Alaksandr Sidarenka.
«Scenarnyja płany asnoŭnych mierapryjemstvaŭ užo hatovy. Zapłanavana praviadzieńnie bolš za sotniu mierapryjemstvaŭ. Heta patrabuje vialikich vydatkaŭ, pavodle papiarednich padlikaŭ, kaštarys fiestyvalu — 57 młrd rubloŭ. Asnoŭnuju dolu składuć pazabiudžetnyja pastupleńni — srodki ad realizacyi biletaŭ, finansy arhanizacyj-partnioraŭ i rekłamadaŭcaŭ», — raskazaŭ Alaksandr Sidarenka.
Dyrektar fiestyvalu padkreśliŭ, niahledziačy na toje što prahrama ŭžo hatova, u joj jašče mahčymy dapaŭnieńni i źmianieńni: «Heta žyvy praces, źjaŭlajucca novyja prajekty».
XXV Mižnarodny fiestyval mastactvaŭ «Słavianski bazar u Viciebsku» projdzie z 14 pa 18 lipienia (12-13 i 19-20 lipienia buduć arhanizavany dadatkovyja mierapryjemstvy).