Zatrymany zasnavalnik Kłuba viasiołych i kiemlivych u Biełarusi pradziusar Vital Novikaŭ
19 krasavika siłaviki zatrymali viadomaha biełaruskaha pradziusara, muzykanta, akciora i biznesmena Vitala Novikava. Pra heta TUT.BY paviedamili niekalki infarmavanych krynic.
Fota Vitala Novikava ź jaho staronki ŭ fejsbuku
«Tak, učora [19 krasavika] jaho zatrymali. Jon znachodzicca na Akreścina», — raspavioŭ TUT.BY blizki siabar Novikava. Pavodle jaho słoŭ, apošnim časam Novikaŭ «zajmaŭsia tvorčaściu». «U jaho kožny dzień išli repietycyi śpiektakla, jaki mieŭsia vyjści 23 krasavika», — skazaŭ jon. Ničoha pra jaho biznes, nie źviazanym z šou-biznesam, znajomamu nieviadoma.
Vital Novikaŭ naradziŭsia 21 vieraśnia 1959 hoda. Skončyŭ Biełaruski teatralna-mastacki instytut (režysura teatra). Pracavaŭ u Minskim TIUHu, teatry «Małaja scena», ansambli «Pieśniary». Novikaŭ źjaŭlajecca zasnavalnikam KVZ u Biełarusi, zasnavalnikam televizijnaj tvorčaj hrupy «AMiK» (Biełaruś). U 2009 hodzie debiutavaŭ u televizijnym sieryjale «Załataja kraina».
Novikaŭ pryvoziŭ u Minsk viadomych rasijskich artystaŭ i akcioraŭ.
Padtrymlivaŭ muzyčnyja prajekty. Jon źjaŭlajecca adnym z zasnavalnikaŭ radyjostancyi «Jumor-FM». «U jaho byŭ niejki biznes, bo muzyka, teatr, zabavy byvaje, što prynosiać nie tolki dachod, ale i straty», — skazaŭ jaho znajomy.
Raniej siońnia namieśnik staršyni Kamiteta dziaržaŭnaha kantrolu — dyrektar Departamienta finansavych rasśledavańniaŭ Ihar Maršałaŭ paviedamiŭ žurnalistam, što ŭ Minsku zatrymali hrupu iłžepradprymalnikaŭ z «dastatkova viadomym u krainie čałaviekam» na čale.
«Učora była spyniena dziejnaść arhanizavanaj złačynnaj hrupy na čale z dosyć viadomym u krainie čałaviekam, jaki razam sa svajoj lehalnaj dziejnaściu ŭ śfiery zabaŭ arhanizavaŭ niezakonny biznes pa akazańni pasłuh subjektam realnaha siektara ekanomiki pa ŭchileńni ad vypłaty padatkaŭ», — adznačyŭ Maršałaŭ.
U arhanizavanaj złačynnaj hrupy kanfiskavana bolš za 180 piačatak roznych pradpryjemstvaŭ, u tym liku nierezidentaŭ Respubliki Biełaruś. Usiaho, pavodle apieratyŭnych źviestak, u hetaj złačynnaj hrupy naličvajecca zvyš 1,1 tys. kontrahientaŭ.
Pa papiarednich dadzienych, sumy niavypłačanych padatkaŭ u niekatorych kontrahientaŭ pieravyšajuć 3-4 młrd rubloŭ.
U KDK admovilisia nazvać imia i proźvišča «dastatkova viadomaha u krainie čałavieka». Zatrymańnie Vitala Novikava nie paćvierdzili, ale i nie abvierhli.