U Mieksicy na naftachimičnym zavodzie adbyŭsia vybuch i pačałasia ŭciečka chłoru
Na naftachimičnym zavodzie ŭ mieksikanskim štacie Vierakrus, dzie napiaredadni adbyŭsia mahutny vybuch, pačałasia ŭciečka chłoru, paviedamlajuć infarmahienctvy sa spasyłkaj na kanał Televisa.
Vybuch adbyŭsia ŭ horadzie Kaacakaalkas na paŭdniovym uschodzie krainy. Pieršapačatkova paviedamlałasia ab tym, što zavod naležyć kampanii Pemex. Adnak paźniej kiraŭnictva Pemex udakładniła, što vybuch adbyŭsia na pradpryjemstvie PMV pad kiravańniem kampanii Mexichem, ź jakoj supracoŭničaje Pemex.
Jak raspaviadajuć vidavočcy, paśla vybuchu nad rajonam źjaviłasia vobłaka dymu. Vyratavalnyja słužby rehijonu papiaredzili ab značnym vykidzie škodnych rečyvaŭ pry vybuchu.
Z terytoryi zavoda evakujavanyja kala 2 tysiač supracoŭnikaŭ, začynienyja škoły i ofisy ŭ vakolicach pradpryjemstva. Žycharam rajać nie vychodzić na vulicu, bo jość niebiaśpieka atručvańnia.
Što stała pryčynaj vybuchu, pakul nieviadoma.
Pavodle ŭdakładnienych dadzienych, achviarami NZ stali 13 čałaviek, jašče 136 atrymali ranieńni.