Staršynia kałhasa vyhaniaŭ namieśnika z narady, a paśla skinuŭ z kresła
U Iŭjeŭskim rajonie staršynia adnaho ź miascovych kałhasaŭ užyŭ hvałt da svajho namieśnika, paviedamlaje pres-słužba UUS Hrodzienskaha abłvykankama.
Roznahałośsi ŭ kirujučym składzie sielhasarhanizacyi ŭźnikli ŭ čas płaniorki na hlebie roznych padychodaŭ u vyrašeńni nadzionnych pytańniaŭ. Adstojvajučy svajo bačańnie, na pravach načalstva kiraŭnik SVK u žorstkaj formie zapatrabavaŭ ad padnačalenaha pakinuć zału pasiadžeńniaŭ, a kali toj admoviŭsia, spasłaŭšysia na adsutnaść adzinaj pazicyi, nie pahrebavaŭ mocnym słoŭcam. Praź niejki čas, z-za taho, što vierbalna mety dasiahnuć nie ŭdałosia, staršynia padyšoŭ da svajho namieśnika i skinuŭ jaho z kresła.
U vyniku ŭ paciarpiełaha było vyvichnutaje plačo, i jamu pryjšłosia źviarnucca ŭ miedustanovu. Adtul paviedamleńnie ab kryminalnym charaktary atrymanaj traŭmy pastupiła ŭ miascovy orhan unutranych spraŭ.
Kryminalnaja sprava raspačataja pa č.3 art.426 KK RB «Pieravyšeńnie ŭłady abo słužbovych paŭnamoctvaŭ».