Na Smalenščynie prajšli vučeńni pa razhonie pratestaŭ suprać pavyšeńnia taryfaŭ ŽKH VIDEA
Rasijskija siłaviki praviali ŭ Smalenskaj vobłaści vučeńni pa razhonie niesankcyjanavanaha mitynhu žycharoŭ, jakija pratestavali suprać pavyšeńnia apłaty kamunalnych pasłuh.
Pavodle lehiendy, miascovyja žychary atrymali zavyšanyja płaciožki za pasłuhi ŽKH i vyjšli na niesankcyjanavany pratestny mitynh, jaki pieraros u masavyja biesparadki. Pa scenary čynoŭniki administracyi rajona sumiesna z učastkovym sprabavali rastłumačyć žycharam situacyju i zaklikać ich da paradku, adnak nijakija dovady nie mahli ŭcichamiryć natoŭp. U vyniku žychary pačali zakidvać pradstaŭnikoŭ ułady butelkami i dymavymi šaškami. I tady śpiecpadraździaleńni raskinuli pa pierymietry placoŭki kalučy drot, raźbili natoŭp na dźvie častki i ŭziali aktyvistaŭ u koła.
Mierkavanyja zavadatary biesparadkaŭ pry hetym byli dastaŭleny ŭ adździaleńnie palicyi dla dalejšaha razhladu.