«Chavajsia ŭ bulbu» i «Trymaj busła»: u Viber źjaviŭsia novy stykierpak z žyćciovymi vyrazami pa-biełarusku
25 krasavika ŭ papularnym miesiendžary Viber źjaviŭsia ŭniviersalny nabor stykieraŭ na biełaruskaj movie z vyrazami na ŭsie vypadki žyćcia. Novy stykierpak — heta 26 nalepak, z samymi jaskravymi i trapnymi narodnymi vyrazami: «Chavajsia ŭ bulbu», «Niešta ŭ lesie zdochła», «Trymaj busła», «Cyrk na drocie», «Budź čałaviekam», «Budzie horača» i inšyja.
Hałoŭnyja hieroi naboru nalepak — zubr, kaza, zajac, busieł — piersanažy biełaruskaha narodnaha falkłoru.
Heta ŭžo druhi pa liku stykierpak na biełaruskaj movie ŭ Viber. Jon nazyvajecca «Tradycyi na novyja ład. Leta» i źjaŭlajecca łahičnym praciaham pieršaha naboru biełaruskamoŭnych virtualnych nalepak, jaki byŭ vypuščany da navahodnich śviataŭ naprykancy minułaha hoda.
Pieršy, navahodni, ekśpierymient sa stykierami «na movie» staŭ vielmi papularnym siarod karystalnikaŭ Viber: na hety momant užo dasłana kala 6 młn paviedamleńniaŭ ź jaho tradycyjnymi zastolnymi frazami i vinšavańniami. Kolkaść zapampovak dasiahnuła 430 000. Da hetaha času nalepki štodnia prysutničajuć u 4000 paviedamleńniaŭ u Viber.
Novy stykierpak nie pryviazany da dataŭ abo śviataŭ, jon bolš univiersalny i dapamoža karystalnikam miesiendžara abmieńvacca paviedamleńniami i vykazvać svaje emocyi ŭ samych roznych situacyjach.
Ilustracyi da abodvuch stykierpakaŭ raspracavała biełaruskaja studyja Asterman, siarod klijentaŭ jakoj značacca studyja Disney, kampanija Wargaming, Coca-Cola i inšyja bujnyja brendy. Inicyjataram stvareńnia stykierpaka «Tradycyi na novyja ład. Leta» vystupiła kampanija «Bulbaš'».
«Siońnia virtualnaja kamunikacyja pamiž ludźmi ŭsio bolš pierachodzić u miesiendžary. Na dadzieny momant u Biełarusi sa svaimi rodnymi i blizkimi ŭ Viber stasujecca bolš za 3 miljony čałaviek, — kaža Maryna Zoryč, pradstaŭnik kampanii Viber. Aŭdytoryja ŭvieś čas pašyrajecca, i łahična, što ŭ našych karystalnikaŭ źjaŭlajecca mahčymaść stasavacca z dapamohaj stykieraŭ na nacyjanalnaj movie. Heta adbyvajecca, u tym liku, dziakujučy brendam, jakija raźvivajuć hety vid kamunikacyi».
Zapampavać stykierpaki možna biaspłatna pa spasyłcy.