Premjer Turcyi: Novaja kanstytucyja krainy budzie śvieckaj
Novaja kanstytucyja Tureckaj Respubliki budzie mieć vyklučna śviecki charaktar. Pra heta zajaviŭ premjer krainy Achmiet Davutahłu, paviedamlajuć infarmahienctvy.
«Siekularyzm budzie prysutničać u novaj kanstytucyi jak pryncyp, jaki harantuje prava hramadzianina na vybar vieravyznańnia i jaki harantuje roŭnuju adsunutaść dziaržavy ad usich relihijnych hrup», — skazaŭ turecki premjer.
Takaja zajava stała svajho rodu adkazam na zaklik śpikiera parłamienta Ismaiła Kachramana zamianić dziejučuju śvieckuju kanstytucyju na relihijnuju. Jon arhumientavaŭ svaju pazicyju tym, što Turcyja — kraina musulmanskaja, a značyć, pavinna mieć relihijnuju kanstytucyju.
Taki asabisty punkt hledžańnia palityka vyklikaŭ chvalu abureńnia ŭ palityčnych apanientaŭ dziejučaj ułady, što pryviało da pratestnych akcyj u Ankary i Stambule.
Ciapierašniaja kanstytucyja Turcyi była pryniataja ŭ listapadzie 1982 hoda. Ciapier kirujučaja Partyja spraviadlivaści i raźvićcia pracuje nad tekstam novaha asnoŭnaha zakona i da leta raźličvaje pieradać jaho ŭ parłamient dla abmierkavańnia.