Łukašenka ŭvioŭ biaźvizavy režym dla paddanych AAE
Alaksandr Łukašenka 27 krasavika padpisaŭ ukaz № 156, jaki ŭstanaŭlivaje biaźvizavy paradak ujezdu i vyjezdu dla paddanych Abjadnanych Arabskich Emirataŭ, jakija majuć sapraŭdnyja pašparty ci inšyja dakumienty, jakija ich zamianiajuć, pryznačanyja dla vyjezdu za miažu i vydadzienyja adpaviednymi dziaržaŭnymi orhanami AAE.
«Biaźvizavy paradak ustanoŭleny dla tranzitnaha prajezdu (tranzitu) praz terytoryju Biełarusi, a taksama dla časovaha znachodžańnia ŭ krainie na termin nie bolš za 30 sutak z dnia ŭjezdu pry prachodžanni praź mižnarodnyja punkty propusku, adkrytyja dla mižnarodnych znosin», — adznačajecca ŭ paviedamleńni pres-słužby prezidenta.
Paddanyja AAE, jakija majuć sapraŭdnyja pašparty ci inšyja dakumienty, jakija zamianiajuć ich, pryznačanyja dla vyjezdu za miažu, u dobraachvotnym paradku rehistrujucca ŭ orhanach rehistracyi pa miescy faktyčnaha časovaha znachodžańnia, kali jany znachodziacca ŭ krainie nie bolš za 30 sutak z dnia ŭjezdu.
Padaŭžeńnie časovaha znachodžańnia ŭ Biełarusi paddanych AAE zvyš hetaha terminu i ich rehistracyja ažyćciaŭlajucca ŭ paradku, ustanoŭlenym zakanadaŭstvam.
Biełaruskim hramadzianam dla naviedvańnia AAE viza patrebnaja.