U piatnicu ŭ Kupałaŭskim buduć čytać «Čarnobylskuju malitvu» Śviatłany Aleksijevič
AFP / EAST NEWS
Nacyjanalny akademičny teatr imia Janki Kupały zaprašaje 29 krasavika a 19-j hadzinie na čytańnie «Čarnobylskaj malitvy» Śviatłany Aleksijevič, paviedamlajecca na sajcie teatra.
Uryŭki z tvora prahučać u vykanańni artystaŭ teatra: Marty Hołubievaj, Ivana Kušniaruka, Dźmitryja Tumasa, Paŭła Charłančuka-Južakova i Kaciaryny Javorskaj. Režysior imprezy – Dźmitryj Ciško.
Miesca praviadzieńnia: kaviarnia «Aŭsteryja Uršula» ŭ teatralnym budynku (vuł. Enhielsa, 7, z boku Alaksandraŭskaha skviera). Uvachod volny.