Zamiežny dziaržaŭny doŭh Biełarusi dasiahnuŭ $13 miljardaŭ
Dziaržaŭny doŭh Respubliki Biełaruś na 1 krasavika 2016 hoda skłaŭ 362,2 trłn. rubloŭ i pavialičyŭsia ŭ paraŭnańni z pačatkam hoda na 33,7 trłn. rubloŭ, abo na 10,2%, paviedamlaje Ministerstva finansaŭ.
Pry hetym zamiežny dziaržaŭny doŭh pa stanie na 1 krasavika skłaŭ 13 młrd. dołaraŭ ZŠA, pavialičyŭšysia z pačatku hoda na 528 młn. dołaraŭ (z ulikam kursavych roźnic), abo na 4,2%.
Apošni raz miažu ŭ 13 młrd. dołaraŭ abjom zamiežnaha dziarždoŭhu Biełarusi dasiahaŭ ŭ 2014 hodzie.
Zhodna sa źviestkami Minfina, u studzieni—sakaviku 2016 hoda pryciahnutyja zamiežnyja dziaržaŭnyja pazyki na 686,5 młn. dołaraŭ ZŠA: 500 młn. dołaraŭ — Jeŭrazijskaha fondu stabilizacyi i raźvićcia; 88 młn. dołaraŭ — urada i bankaŭ Rasijskaj Fiederacyi; 87,4 młn. dołaraŭ — bankaŭ KNR; 11,1 młn. dołaraŭ — MBRR.
Pahašeńnie zamiežnaha dziaržaŭnaha doŭhu z pačatku 2016 hoda skłała 225,8 młn. dołaraŭ ZŠA: 88,3 młn. dołaraŭ — Jeŭrazijski fond stabilizacyi i raźvićcia; 75 młn. dołaraŭ ZŠA — urad Rasijskaj Fiederacyi; 49,3 młn. dołaraŭ ZŠA — banki KNR; 12,5 młn. dołaraŭ — MBRR; 0,7 młn. dołaraŭ — ZŠA.
Unutrany dziaržaŭny doŭh pa stanie na 1 krasavika 2016 hoda skłaŭ 101,0 trłn. rubloŭ, pavialičyŭšysia z pačatku hoda na 3,6 trłn. rubloŭ (za košt kursavych roźnic), abo na 3,7%.
Za studzień—sakavik 2016 hoda raźmieščana ŭnutranych valutnych i rublovych dziaržaŭnych ablihacyj dla jurydyčnych i fizičnych asob na 405,8 młn. dołaraŭ ZŠA i 600 młrd. rubloŭ. Pahašana valutnych i rublovych dziaržaŭnych ablihacyj dla jurydyčnych i fizičnych asob na 566,5 młn. dołaraŭ ZŠA i 1 młrd. 935 młn. rubloŭ.
Nahadajem, za 2015 hod dziaržaŭny doŭh Respubliki Biełaruś vyras na 131,1 trłn. rubloŭ, abo na 66,4%, i na 1 studzienia 2016 hoda skłaŭ 328,6 trłn. rubloŭ.
Pry hetym zamiežny dziarždoŭh na 1 studzienia 2016 hoda skłaŭ 12,4 młrd. dołaraŭ ZŠA, źmienšyŭšysia z pačatku 2015 hoda na 133,9 młn. dołaraŭ (z ulikam kursavych roźnic), abo na 1,1%.