Kamitet Cienata Brazilii rekamiendavaŭ sudzić prezidenta Rusief
Kamitet pa impičmiencie Fiederalnaha sienata parłamienta Brazilii prahałasavaŭ za pačatak suda nad prezidentam krainy Dyłma Rusief, što moža pryvieści da jaje adchileńnia jaho ad pasady.
«Za» prahałasavali 15 členaŭ kamiteta, «suprać» - piaciora.
U sieradu na nastupnym tydni pavinna adbycca hałasavańnie ŭsiaho składu Sienata. Jak čakajecca, sienatary bolšaściu hałasoŭ vykažucca za impičmient Rusief, jakuju abvinavačvajuć u manipulacyjach ź dziaržaŭnym biudžetam.
Kali vynik volevyjaŭleńnia sienataraŭ apyniecca nie na karyść Rusief, to dla razhladu spravy jaje paŭnamoctvy buduć aŭtamatyčna prypynienyja na paŭhoda. Vykonvać abaviazki kiraŭnika dziaržavy budzie vice-prezident Mišel Temier.
U krasaviku za impičmient prahałasavała nižniaja pałata deputataŭ parłamienta Brazilii. Za adstaŭku było padadziena dźvie traciny hałasoŭ, nieabchodnych pavodle zakona.
Praces pa spravie ab złoŭžyvańniach, u jakich padazrajuć Rusief, moža zaciahnucca na paŭhoda.
Jana śćviardžaje, što nie ździajśniała ničoha supraćzakonnaha, a sprobu abviaścić joj impičmient nazyvaje pieravarotam.
U vypadku jaje źniaćcia z pasady zavieršycca 13-hadovy pieryjad znachodžańnia va ŭładzie levaj Rabočaj partyi Brazilii.