U Prazie «Načnym vaŭkam» zładzili «kalidor hańby»
Pradstaŭniki rasiejskaha bajkierskaha klubu «Načnyja vaŭki» ŭ ramkach svajho motaprabiehu «Darohami Pieramohi» dabralisia da Prahi.
Tut aktyvisty sustrakali ich, zładziŭšy žyvy «kalidor hańby».
Na praskaj vulicy aktyvisty sa ściahami Ŭkrainy, ZŠA, Eŭraźviazu i NATO skandavali «Hańba!», «Heć!» u bok kalony matacyklistaŭ.
Niechta vykrykvaŭ «Dałoŭ akupantaŭ!», «Čamadan! Vakzał! Rasieja!».
Bajkiery ŭ adkaz syhnalili i jechali dalej.
Prabieh rasiejskich bajkieraŭ z klubu «Načnyja vaŭki» pa maršrucie Maskva — Berlin prachodzić štohod. Hetaj akcyjaj, jak śćviardžajuć bajkiery, jany imknucca adznačyć śviata «pieramohi nad nacyzmam».
Lider «Načnych vaŭkoŭ» Alaksandar Załdastanaŭ pa mianušcy «Chirurh» — siabar rasiejskaha prezydenta Uładzimiera Pucina.
Załdastanaŭ uvachodzić u pieralik asobaŭ, na jakich raspaŭsiudžvajucca sankcyi ZŠA i Kanady, uviedzienyja z-za rasiejskaj aneksii ŭkrainskaha Kryma.