U Maskvie na paradzie Pieramohi pakazvali vajskovuju techniku, što vykarystoŭvałasia ŭ Siryi
Parad Pieramohi ŭ honar 71-j hadaviny Pieramohi ŭ Vialikaj Ajčynnaj vajnie zaviaršyŭsia na Krasnaj płoščy ŭ Maskvie. Parad prymaŭ prezident Rasii Uładzimir Pucin.
Uładzimir Pucin i ministr abarony Rasii Siarhiej Šajhu.
«Dzieviataha maja — heta i dziaržaŭnaje i vielmi asabistaje siamiejnaje śviata. Jano stała simvałam śviaščennaj rodnaści Rasii i jaje naroda. I ŭ takoj zhurtavanaści, a taksama addanaści radzimie naša siła, upeŭnienaść i hodnaść», — skazaŭ Pucin.
Na paradzie ŭ Maskvie prysutničaŭ prezident Kazachstana Nursułtan Nazarbajeŭ. Fota kremlin.ru
Udarnyja viertaloty Mi-28H «Nočnoj ochotnik».
Siarod vajennaj techniki, jakaja ŭdzielničała ŭ paradzie Pieramohi ŭ Maskvie na Krasnaj płoščy, była i najnoŭšaja zienitnaja rakietnaja sistema (ZRS) vialikaj i siaredniaj dalokaści S-400 «Tryumf». Adznačajecca, što ŭ śviecie niama sistem, roŭnych pa bajavych mahčymaściach S-400.
ZRK «Tryumf» S-400.
Miechanizavanuju paradnuju kałonu ŭznačaliŭ lepšy siaredni tank Druhoj suśvietnaj vajny — T-34. Pry hetym na paradzie byli pakazanyja ŭžo vyprabavanyja ŭ vojskach tanki T-14 na unifikavanaj bazavaj płatformie «Armata».
Tank T-34-85 (sprava) i bronieaŭtamabili «Tyhr».
Potym na Krasnaj płoščy źjaviłasia rakietnaja technika — apieratyŭna-taktyčnyja rakietnyja kompleksy (ATRK) «Iskander», zienitna-rakietnyja kompleksy (ZRK) «Tor-M2U» i «Buk-M2», zienitny rakietna-harmatny kompleks «Pancyr-Z».
BTR-82A.
Paśla parada prezident Rasii Uładzimir Pucin i prezident Kazachstana Nursułtan Nazarbajeŭ ŭskłali kvietki da Mahiły Nieviadomaha Sałdata ŭ Maskvie. Taksama Pucin i Nazarbajeŭ ŭskłali kvietki da abieliskaŭ haradoŭ-hierojaŭ.