U Iraku vykryli łabaratoryju ID pa vytvorčaści chimičnaj zbroi
Irakskija vajskoŭcy zajavili, što znajšli łabaratoryju ID pa vytvorčaści chimičnaj zbroi.
Łabaratoryja była znojdziena ŭ horadzie Chit, što znachodzicca na zachadzie krainy. Niadaŭna irakskija vajennyja adnavili kantrol nad hetym horadam.
U łabaratoryi byli vialikija zapasy chłoru i inšych atrutnych materyjałaŭ, a taksama abstalavańnie dla vytvorčaści chimičnaj zbroi.
Paviedamleńni pra toje, što bajeviki ID vykarystoŭvali zadušlivy haz, pastupali i raniej. Naprykład, jon vykarystoŭvaŭsia pry napadzie na horad Taza ŭ Iraku. Žychary paviedamlajuć, što bajeviki abstralali horad rakietami, načynienymi atrutnymi rečyvami. Niekalki sotniaŭ čałaviek atrucilisia.
U pačatku sakavika amierykanskija vajennyja zachapili žychara Iraka, jaki raspracoŭvaŭ chimičnuju zbroju dla ID.