Razer moža pačać vypusk smartfonaŭ
Vytvorca hulniavych aksiesuaraŭ Razer abviaściŭ ab pošuku śpiecyjalista ŭ halinie mabilnych raspracovak. Pra heta paviedamlaje Ubergizmo.
Paviedamleńnie ź infarmacyjaj ab pošuku śpiecyjalista apublikavaŭ u svaim tvitery vykanaŭčy dyrektar Razer Min-Lan Tan. U apisańni vakansii havorycca, što kandydat pavinien vałodać viedami ŭ halinie sučasnych ARM-sistem i kampanientaŭ, a taksama być znajomy z apošnimi navinkami mabilnych pryład i płanšetaŭ. Akramia taho, jon pavinien być hiejmieram.
Takim čynam, Razer moža pačać vypuskać smartfony, płanšety abo partatyŭnyja hulniavyja prystaŭki. Adnak u kampanii pakul nijak heta nie prakamentavali. Ciapier Razer akramia noŭtbukaŭ i hulniavych aksiesuaraŭ vypuskaje fitnies-branzalety i smart-hadziny.
Raniej paviedamlałasia pra toje, što Razer nabyŭ vytvorcaŭ hulniavoj prystaŭki na Android Ouya.