Pad Ivacevičami pierakuliŭsia traktarny pryčep — paciarpieli dźvie dajarki, jakija jechali ŭ im
U Ivacevickim rajonie ŭ DTZ paciarpieli dźvie dajarki miascovaha sielhaspradpryjemstva.
Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, avaryja adbyłasia 10 maja kala 8.10 pablizu vioski Buła.
35-hadovy žychar vioski Hryŭda, kirujučy słužbovym traktaram «Biełarus-952» z pryčepam, ruchaŭsia pa pašy va ŭročyščy Siaredni Les. Padčas ruchu adbyłosia adčeplivańnie piaredniaj vosi pryčepa ad pavarotnaha miechanizmu, i pryčep pierakuliŭsia.
Dźvie dajarki, jakija znachodzilisia ŭ pryčepie, atrymali cialesnyja paškodžańni. U 39-hadovaj žycharki vioski Buła — zakryty pierałom abiedźviuch kaściej pravaj halonki, u 26-hadovaj žycharki vioski Hryŭda — udary pajaśničnaj vobłaści i levaj nahi.
Paciarpiełyja źmieščanyja ŭ Ivacevickuju centralnuju rajonnuju balnicu. Pravodzicca pravierka.