U Bahdadzie jašče dva vybuchi, zahinuli 25 čałaviek
U Bahdadzie siońnia adbylisia jašče dva vybuchi, zahinuli nie mienš za 25 čałaviek i paciarpieli jašče jak minimum 56, paviedamlajuć infarmahienctvy.
Adzin z vybuchaŭ prahrymieŭ kala palicejskaha ŭčastka na paŭnočnym zachadzie Bahdada. Śmiarotnik na mašynie, načynienaj vybuchoŭkaj, prataraniŭ budynak. Zahinuli 18 čałaviek, u tym liku piać palicejskich. Druhaja bomba była padarvanaja na rynku, raźmieščanym na poŭnačy horada. Jaje taksama pryvioŭ u dziejańnie śmiarotnik. Zahinuli siem čałaviek.
Raniej siońnia paviedamlałasia pra vybuch va ŭschodnim pryharadzie Bahdada, jaki zabraŭ žyćci jak minimum 63 čałaviek, kala sotni atrymali ranieńni. Načynieny vybuchoŭkaj aŭtamabil uźlacieŭ u pavietra na adnym z rynkaŭ u rajonie Madzinat-Sadr.