Žychara Rečycy paśla skandału ŭ načalnika DAI źmiaścili ŭ izalatar časovaha ŭtrymańnia
Pryjom hramadzian u načalnika ADAI Rečyckaha RAUS dla adnaho z žycharoŭ rajcentra skončyŭsia vyklikam śledča-apieratyŭnaj hrupy i źmiaščeńniem u izalatar časovaha ŭtrymańnia.
Jak paviedamiła inśpiektar adździaleńnia pa ahitacyi i prapahandzie DAI UUS Homielskaha abłvykankama Natalla Chałalejenka, 43-hadovy biespracoŭny pryjšoŭ na pryjom da načalnika ADAI, u čarhovy raz patrabujučy pravasudździa i pierahladu ŭ dačynieńni da jaho administracyjnaha materyjału, składzienaha za kiravańnie transpartnym srodkam u stanie ałkaholnaha apjanieńnia. Pryčym i na pryjom mužčyna pryjšoŭ pjanym.
Pavodle źviestak Chałalejenki, padčas razmovy žychar rajcentra ŭčyniŭ skandał, łajaŭsia matam i nie reahavaŭ na zaŭvahi ŭ svoj adras. Supracoŭnik DAI, jaki znachodziŭsia ŭ kabiniecie, pasprabavaŭ supakoić bujanaha naviedvalnika, ale ŭ adkaz pačuŭ pahrozy nie tolki ŭ svoj adras, ale i ŭ adras svajoj siamji.
Jak tolki supracoŭnik DAI nabliziŭsia da mužčyny, toj pačaŭ supraciŭlacca, chapaŭ inśpiektara za formiennaje abmundziravańnie i parvaŭ kašulu. Supakoić debašyra zmahli, tolki źmiaściŭšy ŭ izalatar časovaha ŭtrymańnia.
Pa hetym fakcie pravodzicca pravierka. Za svaje dziejańni mužčyna paniasie nie tolki administracyjnuju adkaznaść u vyhladzie štrafu, ale i, mahčyma, kryminalnuju.