Hiendyrektar «Lidskaha piva»: My hatovyja admovicca ad PET-tary, kali hetaha zachoča rynak
«Kali rynak zachoča, my hatovyja admovicca ad PET-tary i vypuskać bolš u škle, blašancy i kiehach», — zajaviŭ 11 maja na pres-kanfierencyi ŭ Minsku hienieralny dyrektar AAT «Lidskaje piva» Aŭdryus Mikšys.
Jon adznačyŭ, što pradpryjemstva ŭžo zajmaje miesca lidara pa prodažy piva ŭ šklanoj butelcy — pryblizna 25% rynku. «Kali b hramadzianie krainy, spažyŭcy hałasavali kašalkom za škło, to ja byŭ by rady. Ale, na žal, jany hałasujuć za bolšy abjom. My amal nie vypuskajem dvuchlitrovy abjom u PET-butelcy. Akramia hetaha, raźlivajem u kiehi dla kafe i restaranaŭ, dola 6-7% u abjomie vytvorčaści, meta — 10-12%. Kali b darasło da 20%, ja b byŭ ščaślivy. Naša misija — navučać kulturnamu spažyvańniu piva — adbyłasia, heta aznačała b, ludzi pjuć u barach padčas viačery, abiedu. I tam nie napješsia, jak dvuchlitrovaj PET doma. Pakul uchod ad PET-upakoŭki nie miarkujecca. Ale my hatovyja da źmienaŭ, jość miesca dla novaj linii pa blašancy. Rynak skaža — nam patrebnaja blašanka, my hatovyja, skaža prybrać PET — my taksama hatovyja», — zajaviŭ hiendyrektar.
Pavodle infarmacyi dyrektara pa prodažy Aleny Aŭdziejenki, pradpryjemstva ŭ studzieni, jak i ŭsie vytvorcy piva, źniziła vytvorčaść, ale naraściła u lutym i sakaviku. «Zapusk piva «Lidskaje Lehienda» i rebrendynh piŭnoha brenda pakazvajuć, što my budziem raści dastatkova dobrymi tempami», — skazała jana. Zhodna sa źviestkami kancerna «Biełdziaržcharčpram», rynak piva biełaruskich vytvorcaŭ za pieršy kvartał vyras na 5%, ale pavodle danych ahienctva Nijelsen, jakoje analizuje prodaž u roźnicy, padzieńnie rynku skłała 4,8%. «Možna śmieła kazać, što spažyvańnie ŭpała, i na fonie hetaha padzieńnia temp rostu ŭ sakaviku na 5% pa našym pivie — dobry pakazčyk», — adznačyła Aŭdziejenka.
Sioleta, paviedamiŭ Mikšys, pradpryjemstva adznačaje 140-hodździe. U honar jubileju pradpryjemstva vypuściła abmiežavanuju partyju piva «Lidskaje 140» pavodle staradaŭnich receptaŭ u aryhinalnaj butelcy. Abvieščany taksama konkurs na stvareńnie aryhinalnaha art-abjekta «Lida — stalica pivavarstva» z pryzami ŭ 35 młn., 16,5 młn. i 11,5 młn. rubloŭ za pieršaje, druhoje i treciaje miesca adpaviedna. 3 vieraśnia ŭ Lidzie adbudziecca druhi piŭny fiestyval Lidbeer, na jakim zapłanavanaje vystupleńnie hurtu «BI-2».