U Pinsku kiroŭca achviaravaŭ mašynaj, kab vyratavać dzicia: vazok kaciŭsia na darohu
DTZ adbyłosia dniom 19 maja ŭ Pinsku.
Fota: Palevo Pinskburg (vk.com)
Na vulicy Zornaj u BMW, što prajazdžaŭ mima, urezaŭsia Hyundai, jaki vykaciŭsia sa stajanki. Pa słovach vidavočcaŭ, kiroŭca Hyundai pryparkavaŭsia kala kaviarni «Pramietej». U hety momant jon zaŭvažyŭ, što ŭ napramku prajeznaj častki kacicca vazok ź dziciem. Mužčyna vybieh z aŭtamabila, kab vyratavać małoha. Zamiest vazka na darohu vykaciŭsia jaho Hyundai.
Jak raspavioŭ pinčuk Jaŭhien, abodva aŭtamabili atrymali niaznačnyja paškodžańni.
U DAI Pinska paćvierdzili infarmacyju pra incydent. Jak vyjavili inśpiektary, kiroŭca vyjšaŭ z kaviarni, sieŭ za rul, zavioŭ aŭtamabil i ŭklučyŭ niejtrałku. U hety momant jon zaŭvažyŭ, jak ad kaviarni adjazdžaje ŭ napramku alei i darohi letni vazok ź dziciem. Mamy pobač nie było. Mužčyna vybieh z aŭto, spyniŭ vazok i padkaciŭ jaho na miesca, zafiksavaŭšy, kab jon nie adjazdžaŭ. Jaho aŭtamabil pry hetym skaciŭsia na prajeznuju častku i ŭrezaŭsia ŭ BMW.
Na ščaście, u avaryi nichto nie paciarpieŭ.