U Breście z akna kvatery na vośmym paviersie vypaŭ dvuchhadovy chłopčyk
U Breście 23 maja kala 11.00 z akna kvatery, raźmieščanaj na vośmym paviersie žyłoha doma pa vulicy Łuckaj, vypaŭ dvuchhadovy chłopčyk.
Jak paviedamiŭ aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, dzicia znachodziłasia ŭ kvatery pa miescy žycharstva razam z maci. U momant padzieńnia jana była na kuchni.
Pavodle papiarednich dadzienych, chłopčyk u pakoi z dapamohaj dziciačaha kresła ŭźlez na padakonnik, adkryŭ akno ŭ škłopakiecie i vypaŭ uniz na ziamlu.
Minak, jaki staŭ vidavočcam zdareńnia, paviedamiŭ u chutkuju dapamohu.
Chłopčyk dastaŭleny ŭ reanimacyjnaje adździaleńnie Bresckaj dziciačaj abłasnoj balnicy ŭ vielmi ciažkim stanie. Na miesca zdareńnia vybyła śledča-apieratyŭnaja hrupa. Vyśviatlajucca ŭsie abstaviny zdareńnia, a taksama pryčyny i ŭmovy padzieńnia dziciaci z akna.