Jehipiet abvierhnuŭ adchileńnie A320 ad kursu pierad źniknieńniem z radaraŭ
Samalot A320 avijakampanii EgyptAir, jaki paciarpieŭ krušeńnie 19 maja, nie adchilaŭsia ad kursu pierad źniknieńniem z radaraŭ. Pra heta zajaviŭ Associated Press kiraŭnik Nacyjanalnaj słužby pavietranaj navihacyi Jehipta Jechab Aźmi.
Pavodle jaho słoŭ, pierad źniknieńniem z radaraŭ samalot nie adchilaŭsia «naprava abo naleva» i išoŭ na zvyčajnaj vyšyni. «Hety fakt abiasceńvaje zajavu hrekaŭ ab tym, što pavietranaje sudna raptam straciła vyšyniu pierad źniknieńniem z radaraŭ», - zajaviŭ Aźmi.
Jon padkreśliŭ, što samalot źnik z radaraŭ praz adnu-dźvie chviliny paśla ŭvachodu ŭ rajon dyśpietčarskaj słužby Jehipta.
Raniej ułady Hrecyi zajaŭlali, što, zhodna z najaŭnymi ŭ ich dadzienymi, pierad źniknieńniem z radaraŭ samalot rezka paviarnuŭ naleva, paśla čaho raźviarnuŭsia na 360 hradusaŭ naprava i chutka straciŭ vyšyniu.