Namieśnik staršyni «Biełnaftachima»: 2015 hod staŭ dla haliny adnym z samych ciažkich
Finansavy stan pradpryjemstvaŭ Biełaruskaha dziaržaŭnaha kancerna pa nafcie i chimii («Biełnaftachim») za minuły hod niekalki pahoršyŭsia, paviedamiŭ namieśnik staršyni kancerna Ihar Babyr 25 maja padčas pres-kanfierencyi na AAT «ŚvietłahorskChimvałakno» (Homielskaja vobłaść).
«Stan finansavy, čaho chavać, pahoršyŭsia. Ale nie da takoj krytyčnaj stupieni: kali rentabielnaść prodažu była ŭ rajonie 9%, to jana źniziłasia ŭ kožnaha pradpryjemstva, u siarednim pa kancernie zaraz jana składaje kala 4%. Vy bačycie, jak nafta «ŭpała», heta paciahnuła za saboj źnižeńnie koštaŭ usioj našaj pradukcyi», — skazaŭ Babyr.
Pry hetym, pavodle jaho słoŭ, fizičnyja abjomy vytvorčaści pradukcyi na pradpryjemstvach kancerna z pačatku 2016 hoda nie źnižajucca, i pa vynikach 12 miesiacaŭ prahnazujecca pieravyšeńnie letašniaha abjomu vytvorčaści. U składzie «Biełnaftachima», dadaŭ Babyr, ciapier dva pradpryjemstvy stratnyja, na ich finansavy stan niehatyŭna paŭpłyvali taksama vahańni kursaŭ valut.
«2015 hod, jaki zaviaršyŭ piacihodku, staŭ adnym z samych ciažkich dla kancerna. Paharšeńnie kanjunktury na suśvietnym rynku nafty i naftapraduktaŭ vyznačyła taksama źnižeńnie koštu ekspartu. Ale dziakujučy praviedzienaj madernizacyi vytvorčaściaŭ my vyjšli na novyja rynki zbytu i pavialičyli ŭ fizičnym abjomie ekspart: my pradavali pradukcyju ŭ 136 krain», — zaznačyŭ namieśnik staršyni kancerna.