BATE zrabiŭ padarunak chłopčyku, jaki zapłakaŭ paśla projhryšu ŭ finale Kubka
Kranalnaja historyja adbyłasia paśla parazy BATE ad žodzinskaha «Tarpieda — BiełAZ» u finale Kubka Biełarusi. Matč prachodziŭ 21 maja ŭ Breście. Paśla sieryi pienalci, dzie barysaŭčanie sastupili ź likam 2:3, u abjektyŭ kamiery adnaho z apierataraŭ trapiŭ chłopčyk, zapłakany zaŭziatar BATE.
Videa pabačyli supracoŭniki kłuba, paśla čaho raźmiaścili ŭ svaich aficyjnych akauntach u sacyjalnych sietkach nastupnaje paviedamleńnie:
«Siabry, šukajem hetaha chłapčuka, jaki tak ciažka pieražyvaŭ paražeńnie našaj kamandy ŭ finale Kubka. Kali chtości viedaje, jak možna źviazacca ź im/iaho baćkami — paviedamicie».
Chłopčyka znajšli praź niekalki hadzin. Im akazaŭsia žychar Bresta, šaścihadovy Maćviej. BATE źniaŭ dla jaho admysłovaje videa. U roliku futbalist BATE Alaksandr Vaładźko havoryć, što kamandu vielmi ŭrazili emocyi chłopčyka. Tamu futbalisty vyrašyli zrabić dla jaho admysłovuju majku ź imiem Maćviej na śpinie i numaram 12.
Akramia hetaha, supracoŭniki kłuba zaprasili Maćvieja na chatni matč BATE suprać «Hranita», jaki projdzie na «Barysaŭ — Arenie» 5 červienia.