Mytniki kanfiskavali 111 ton jabłykaŭ, jakija pieravozilisia ŭ Rasiju
Mabilnymi padraździaleńniami Apieratyŭnaj mytni pry praviadzieńni śpiecyjalnaha mierapryjemstva ŭ Viciebskaj vobłaści kanfiskavana bolš za 111 ton jabłykaŭ, paviedamlaje pres-słužba Dziaržaŭnaha mytnaha kamiteta.
Sadavina ŭvozilisia ŭ šaści hruzavych transpartnych srodkach ź Biełarusi ŭ Rasiju bieź fitasanitarnych siertyfikataŭ, jakija nieabchodnyja pry pieramiaščeńni hetych tavaraŭ pa terytoryi Mytnaha sajuza.
Akramia taho, usie fury nakiroŭvalisia pa padłožnych dakumientach na adras dziaržaŭnaha pradpryjemstva ŭ Oršy, ź jakim u adpraŭnikoŭ, jak stała viadoma, nijakich damoŭnych adnosin nie isnuje.
Apieratyŭnaj mytniaj pa vyjaŭlenych faktach raspačaty administracyjny praces. Tavar «jabłyki śviežyja», papiarednim acenačnym koštam bolš za 1 młrd biełaruskich rubloŭ, kanfiskavany.
Za dapuščanyja administracyjnyja pravaparušeńni sub`iektam haspadarańnia pahražaje štraf u pamiery da 50 bazavych vieličyń z kanfiskacyjaj tavaru.