Mužčyna, jaki sprabavaŭ spalić siabie na Kastryčnickaj płoščy, pamior u balnicy
Žychar Minskaha rajona, jaki zładziŭ sprobu samaspaleńnia na Kastryčnickaj płoščy ŭ stalicy 28 krasavika, pamior u balnicy. Heta adbyłosia 22 maja, paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Pavodle jaho słoŭ, śledčyja orhany praciahvajuć pravierku pa hetym fakcie.
Nahadajem, 28 krasavika kala 17.25 na Kastryčnickaj płoščy 56-hadovy žychar Minskaha rajona, vykarystaŭšy haručuju vadkaść, padpaliŭ na sabie vopratku. Dziakujučy svoječasova akazanaj supracoŭnikami AMAP HUUS Minharvykankama dapamozie ahoń byŭ patušany. Paciarpiełaha dastavili ŭ balnicu ŭ ciažkim stanie.
Biełaruskaje telebačańnie paviedamiła, što mužčyna ździejśniŭ hety ŭčynak u stanie adčaju: paśla razvodu jamu abmiežavali sustrečy ź dziciem, a zvaroty ŭ roznyja instancyi — sudy i navat Administracyju prezidenta — nie mieli plonu.