Apošnija dni viasny buduć vielmi ciopłymi, a vada ŭ rekach i aziorach — užo jak u Čornym mory
Fota Siarhieja Hudzilina
Da kanca maja ŭ Biełarusi čakajecca ciopłaje i soniečnaje nadvorje, a liŭni z navalnicami buduć nasić łakalny i karotkačasovy charaktar. Heta nie pieraškodzić pavietry prahravacca da letnich značeńniaŭ, tym bolš što tempieratura vady ŭ rekach i vadajomach krainy ŭžo dasiahnuła adznaki čarnamorskich kurortaŭ.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu ŭnačy čakajecca nadvorje pieravažna biez apadkaŭ. Dniom miescami karotkačasovyja daždžy, navalnicy. Nočču i ranicaj u asobnych rajonach słaby tuman. Tempieratura nočču +9 + 15°S, dniom +21 + 26°S.
U niadzielu nočču pa ŭschodniaj pałovie, dniom miescami karotkačasovyja daždžy. U asobnych rajonach navalnicy. Tempieratura nočču: +11 + 16°S, dniom +22 + 28°S.
Pa horadzie Minsku prahnazujecca pieramiennaja vobłačnaść. Nočču biez apadkaŭ. Dniom mahčymy karotkačasovy doždž. Viecier paŭnočna-ŭschodni 2-7 m/s. Tempieratura ŭ subotu nočču +12 +14° S, dniom +22 +24°S, u niadzielu nočču +13 + 15°S, dniom +23 +25°S.
U apošnija dni maja nočču miescami, dniom na bolšaj častcy terytoryi karotkačasovyja daždžy. U asobnych rajonach navalnicy. Tempieratura ŭ paniadziełak i nočču składzie +12, + 17°S, dniom +22, + 28 ° S. U aŭtorak nočču: +11 + 17°S, dniom +21 + 28°S.
Tempieratura vady ŭ rekach i vadajomach ŭžo składaje 15-20°S, jak u Čornym mory.