Pad Ivacevičami fura sutyknułasia z aŭtobusam z hrupaj turystaŭ-školnikaŭ
U avaryi nichto nie paciarpieŭ. Transpartnyja srodki atrymali miechaničnyja paškodžańni.
Ivacevickim rajonie ŭ DTZ trapiŭ aŭtobus Setra z hrupaj turystaŭ ź Ivanava.
Usiaho ŭ aŭtobusie znachodziłasia 44 čałavieki, u tym liku 29 školnikaŭ, jakija viartalisia dadomu paśla ekskursii ŭ Minsk. Jak paviedamili BiełaPAN u adździaleńni pa ahitacyi i prapahandzie DAI UUS Bresckaha abłvykankama, avaryja zdaryłasia 26 maja kala 19.30 na 150-m km aŭtadarohi M1/Je30 Brest — Minsk — miaža Rasijskaj Fiederacyi.
Vadziciel fury «MAZ-5440», vykonvajučy zabaronieny manieŭr razvarotu, učyniŭ sutyknieńnie z aŭtobusam, jaki ruchaŭsia ŭ spadarožnym napramku i pieravoziŭ 44 pasažyraŭ ź Ivanava.
U avaryi nichto nie paciarpieŭ. Transpartnyja srodki atrymali miechaničnyja paškodžańni.
Aŭtobusam kiravaŭ 48-hadovy pinčuk, hruzavym aŭtamabilem — 57-hadovy žychar Baranavičaŭ.
Častka dziaciej ź miesca DTZ zabrali svajaki. Astatnich pasažyraŭ dastavili ŭ Ivanava na inšym aŭtobusie, padadzienym turystyčnaj firmaj, jakoj naležyć Setra.